اتصلت بيا (فلانه) و لقتها بتقولي يا سعاد اتحجبي بقا عشان ربنا يشفيكي.
التانية تقولي اتحجبي و فيه امير هيجبلك فيلا في مصر و هيعالجك و يصرف عليكي.
تعرف انا عارفه الجماعات دي عاوزه ايه و عارفه ان الشيوخ دافعين فيا مبلغ و قدره، عشان اي واحده فيهم تخليني اعتزل و اتحجب، واقول الفن حرام.
تصدق الفن اللي ضيعت فيه عمري و اللي هو بيتقاس منه تقدم الشعوب انكره، و اقول عليه حرام.
دا حتي ربنا يزعل مني اوي و ابقى واحدة لمؤخذه مش كويسة، هو ينفع نقفل الاوبرا.
ونقول البالية حرام و نحرق اغاني ام كلثوم او مثلا افراحنا تبقي من غير اغاني وزفه و موسيقي ! الناس دي عاوزه تخنـ ـقنا.
واحدة قالتلي يا سعاد انا معايا فيزا للسعوديه اتنقبي و قابليني هناك و تختفي عن الصحافه وتقوللهم توبت.
واحدة تانية قالتلي تعالي تركيا جماعه فلسطينيين عاوزين يعالجوكي ، بقيت مزاد يا منير و الكل عاوز اعلي سعر انا لو هروح بيت ربنا عاوزه اروح بفلوسي.
و علي رجلي و انا في كامل صحتي عشان ادعيله من قلبي مش بفلوسهم . “
