كتبت :أسماء علي
يذكر أن راندا شتا فاشون بلوجر لها العديد من الأنشطة على مواقع التواصل الإجتماعي وتهتم بتصميم محتوى يقدم كل جديد في عالم الموضة و الجمال وتقدم العديد من الترشيحات براندات عالمية ولديها العديد من المتابعين علي موقع التواصل الاجتماعي الانستجرام ،وتتكلم في حوار خاص مع ارض العرب في بدايت مجالها .
1_بداتي ازاي ف المجال دا ؟
ابتديت من اربع سنين كان الاكونت عليه اقل من ٥٠٠ متابع كلهم اصدقاء ومعارف كنت بحب اعمل ستايلنج وكنت اي اوت فيت اعمله احطه علي انستجرام وكنت بلاقي تفاعل حلو واتسال منين وكانت المفاجاة هنا ان معظم القطع معمول ليهم ريستايلنج وهي اصلا موديلات قديمة جداا من دولاب ماما ودولابي فبدات تيجي ليا فكرة ان اعمل فيديوهات واصورها وانشرها عن اننا ازاي ممكن نستغل اي قطع قديمة ونخليها ترندي باضافات بسيطة بدا العدد بتاع المتابعين يزيد وخصوصا بعد ما بدأت بنات تبعتلي انها معاها قطع اخدتها من دولاب مامتها وخالتها وبتسالني ممكن تلبسها ازاي وكنت بعمل ده معاهم وانا سعيدة لان الموضوع ده كان في شغف عندي كبير ليه غير عادي .
(2)مين اكتر حد شجعك في مجالك؟
اكثر حد شجعني هو جوزي وولدتي .
(3)نفسك توصلي ل ايه ؟
اني اكون استايلست لبرندات كبيرة
مش بس اشخاص
وان اسم راندا شتا يتعرف اكثر و اكثر
ويبقي عندي مكان بتاعي اي حد يدخل يتعمل ليه ريستايلنج يطلع بستايل مختلف تماما
وان يبقي عندي عدد متابعين فوق ال ٣ مليون .
(4)اهم حاجه عملتيها في محتوي بتاعك؟
اهم حاجة عملتها في المحتوي بتاعي
ان وصلت للمتابعين بتوعي فكرة ان عشان ابقي شيك وترندي مش لازم خالص يبقي اللبس غالي او من برندات كبيرة او حتي انه يبقي جديد كله ممكن بقطعة واحدة جديدة وطريقة استايلنج مختلفة الحاجة تبقي ترندي وشيك
(5)حبا انك تضيفي حاجه لمتابعينك؟
اه طبعا انهم يعرفوا انهم اللي بيدوا لاي قطعة بيلبسوها قيمة مش العكس
وانهم ميتاثروش بمغريات السوشيال ميديا ويبقي بالنسبة ليهم سهل جدا انهم يبقوا شيك وترندي بابسط حاجة
وعشان كده بحاول اكون في تصويري بسيطة حتي في اختياري للوكيشن التصوير عشان اي حد يبقي عنده احساس انه ممكن يبقي انيق وسعيد بكل سهولة .
