كتبت/ دعاء علي
اخ ق.ت.ل اخته حر.قا مع سبق الاصرار والترصد
بسبب ان الأب كتب للاخت شقة باسمها من ضمن ممتلكاته
والأخ دا مطلق تلات مرات وعاطل بس صلي الفجر قبل ما يترصد لاخته الي قعدت ٤٨ ساعة تتعذب وماتت اثر الحر.ق
تقوم الأم هنا تتنازل عن حقها مافيش مشاكل تعالا بوس ماما يا حبيب امك واحلي شو لبرنامج المسامح كريم وكان الي اتحرقت دي ورقة بفرة سجارة خدت الشر وراحت !!
يجي هنا بقي دور زوج القتيلة رافع قضية بالحق المدني
القاضي بيقول لمحامي الزوج انت ايه الضرر الي واقع عليك
انا هنا قلت هار اسود واحد مراته ماتت لسة عروسة ايه السؤال دا القاضي بيسأل ازاي عن الضرر الواقع علي الزوج
اتارييييه بقي الزوج محاميه بيقولك ان الي ماتت محروقة دي بقي جايبلها دهب وماضي علي قايمة بقيمة ٣٠٠ الف فاهو رافع عليهم القضية عشان ياخذهم وكمان عشان كان مكلف حفلة خطوبة كدة فا كل دي مصاريف
الأخ والأم والزوج والقاضي والسادة المحامين كلهم اجتمعوا علي محاولات تنجية الأخ من حكم الإعدام المهم الباقي مما تمتلكه القتيلة !
مشهد طافح مرار ونفاق وشووو
واحدة اتقتلت وراح حقها
فهمونا ان من قتل يقتل
وان التشريعات من الشريعة
وان القانون رحيم
بس فين القصاص هنا للقتيلة؟
ليه اما بيكون القتيلة امرأة بتلاقي ١٠٠٠ مبرر لعدم اعدام القاتل ليه ؟
مسرحية هزلية كلنا مشاركين فيها
كلنا بنبرر للجاني ونطلب له فرصة تانية ليه
ليه الأم دي مسامحة ابنها الي قتل اخته وبتعمل التهمة علي مراته الي هي طفت بنتها من الحريق اما كان اخوها قافل كل ابواب النجاه قدامها وطلع يكب بنزين علي اوضه امه واخته !
شغالة الست شغل حموات وبتحرض علي مرات الابن القاتل ومسمحاه وتقولك ماتعدمهوش دا سندي!! العاطل القاتل سند !!
ام وابن وقاضي ومحامي ومجتمع ضيع حق واحدة راحت فطيس!
انتي بالمجتمع دا مهما ان كنتي مالكيش دية
ماتستغربوش اهلا بيكم في بلدنا الحبيب راعي الذكورية الأول ومؤسس النرجسية ومبتكر مبررات كل جريمة ضد الانسانية!
