كتبت/دعاء علي
دي د. فاطمة إنسانة ناجحة جداً في حياتها من (المنيا) طلعت إمبارح في بث مباشر من قسم الشرطة عشان تستنجد وتوصل صوتها للقيادات
بعد ما جوزها اعتدى عليها وراحت تشتكي في قسم الشرطة
بس ولأن عائلة جوزها عائلة كبيرة جداً كبيرة تم الاعتداء عليها في قسم الشرطة ومامور القسم حاول يخليها تمشي وميعملش بلاغ
ولما عملت البث تستغيث انتهى بعد ما مسك موبايلها شخصين وتقريباً اتكسر
آخر ظهور لها على حسب فيديو البث المباشر اللي عملته من 17 ساعة في قسم الشرطة وكانت فعلياً في حالة نفسية صعبة جداً بتمنى حقها يرجع لها في أسرع وقت
- آخر ثواني في الفيديو رعب جداً جداً حرفياً، في شخصين اتهجموا عليها في قسم الشرطة واختفت
د. فاطمه من وقتها بتمنى من القيادات الكبيرة المحافظ ومدير الأمن يدخلوا في أسرع وقت، اللي حصل لها ملوش مبرر ولا يمكن السماح بيه. رايحة تشتكي يحصل معاها كده بأي حق؟ لازم لو عايزين يكون عندنا جمهورية جديدة فيها عدل وحُب وسلام نصلح كل ده أهم من أي شيء
كنا بنسمع ان فى واحد ضرب مراته ولا شتمها ازاى نتخض واجرى واعملى محضر عشان يقف عند حده ويبطل يعمل كدا الوقتى بقا بقا يا شيخه مستخسر يمد ايده بقوا يقتلوا احنا لسه هنتكلم ونعيد ونزيد لا نخلص وندبح وف داهيه
الاهل الى هيموتوا بحسرتهم والبنت الى ماتت ملهاش ذنب فى واحد عاشت معاه وطلع قذر
والموضوع كتر اووووى والاذى بقا سهل بالنسبالنا ومات الخوف الى جوانا الى كان بيمنعنا عن ارتكاب اى جريمه
لازم يكون عبر لغيرو مش ياخد مؤبد ولا كام سنه دول يتشنقوا عشان ميفكروش فى دا تانى
لازم نوقف المهزله دى
الجواز بقا فكره مرعبه للناس كلها عشان ناس بتبن شويه من الحلو وفى الاخر بيطلعوا اقذر ما اتولد على الارض
القرف فى الى ربيت وفاكره انها طلعت راجل هو معداش عليه الاسم اصلا ولا الوصف
