كتب- نادية حسن
مصممه الفرو الأشهر فى مصر والوطن العربى الموهوبة والتى تم تكريمها عن الابداع من قبل أمانة حزب الوفد بالاسكندرية ، تستمر فى مواصلة ابداعها الفريد فى مجال الفرو الذى تميز به الاتراك فقط سابقا ، ولكن استطاعت أن تحتل المكانة الأولى فى تصميم الفرو فى مصر والوطن العربى.
1- كلمينا عن السبق اللى قدمتية ف اخر كولكشن واى مدة تجهيزة ؟الكولكشن الاخير واللى كان متاح عالسوشيال ف شهر اكتوبر حبيت اقدمة بفكرة جديدة وميكونش تقليدي فاستخدمت فية فن الاستنسل ولقيت صعوبة ف بعض الديزاينز الدقيقة اللى مش بيخدمها فن الاستنسل واللى قدرت انى ارسمها بايدي وارشها بدقة شديدة باللون المناسب بدون ما تتكون رتوش للون او تسييح لية خارج اطار الاوت لاين للرسوم الدقيقة دية واللى بتكون ف حدود ملى ونص ملى فكان الدمج بين فن الاستنسل وال Painting ف الكولكشن دة ودة اللى عطالة انفراد وتمييز والحمد لله قدرنا نحقق السبق ف المجال للمرة التانية ف سنة واحدة، والكولكشن خد منى تجهيز 9 شهور .
2- هل الكولكشن كان محتاج الوقت دة كلة ف التجهيز ؟ بالفعل كان طويل اللى أخر التجهيز المواد الخام المستخدمة ف التلوين لان استخدام خامات محلية كان مستحيل وهدر خامات فرو كتير لقلة جودة الالوان فكان لازم استعين بشركة عالمية بتنتج الالوان دية بمواصفات قياسية وللاسف وصلتنى اول مرة الالوان متلغبطة وناقصة بخلاف ان كان فى اكتر من عبوة صلاحيتهم قربت ع الانتهاء فمكانوش بالجودة المطلوبة ، كمان عطلنا تجارب كتير وهدر للوصول للنتائج المرجوة بالكوالتى الممتازة دية ومراحل تجهيز طويلة وكل مرحلة لازم تديها وقتها المناسب عشان تطلع بالكوالتى دية ف الاخر ونحقق السبق بفن جديد وبجودة ومواصفات قياسية.
3- ما هى مكونات الكولكشن، واى اكثر القطع الى لاقت رواجا؟
قدمنا شابوهات فرو بشكل كلاسيكى لان الفرو من اكثر الخامات العالمية غنى فيروق لها الشكل الكلاسيكى جدا قدمنا كمان جبلانات حوائط وتابلوهات وبراويز وكوشنز دة بخلاف الكرسى الفرو الاستيل المدهب الجديد والبانكيت الاستيل الفرفورجية المدهب والكونسول اللاكية، وبدون مبالغة كلهم لاقوا رواجا ولكن الاكثر طلبا الكراسى والبانكيت والشابوهات والجبلانات والكونسول.
4- ايه اكتر كولكشن نجح حتى الأن ف البراند؟اكتر كولكشن حتى الان كولكشن الباتشوورك اللى قدمناة نهاية العام السابق وكان اول سبق لينا ف المجال وإتقييم من فنانين ليهم شأنهم،،لكن انا بشوف ان من الظلم نحكم دلوقتى لان الكولكشن الاخير لاقى ف وقت قصير اقل من شهر رواج عالى جدا ممكن بعد عدة أشهر يتجاوز نجاحة نجاح كولكشن الباتشوورك.
5- هل البراند جهز ل كولكشن جديد؟
انا فعلا شغالة فية بقالى فترة وهو مش سر زي اللى سبقة انا بحضر ف الكولكشن الشتوي الفورير بتصميمات مختلفة للبس،والمرة دية تقديم الكولكشن هيكون مختلف هيتم تصوير كل قطعة على حدي وتقديمها للناس دون انتظار انتهاء كل الكولكشن كامل لانى مش حابة اتاخر على الناس تانى ولان مؤخرا اتجاة الناس فيما يخص الملابس بقى للقطع الفردية مش للكولكشن بشكل عام فبجد انها الطريقة المثلى لتقديم الكولكشن دة واللى هتكون اول قطعة فية متاحة عالسوشيال ف خلال ايام.
