لعبت امينة رزق دور الأم في الأفلام المصرية وكانت أبرع واميز من قام بدور الام.
شاركت امينة العديد من نجوم السينما والتليفزيون ادوار البطولة ووقف أمامها العديد من النجوم.
أبرز تلك النجوم عادل إمام، محمود عبد العزيز ، شادية ، سعاد حسني،عماد حمدي، فاتن حمامه، الهام شاهين، حسين فهمي اختلفت الأجيال وظلت امينه رزق تتربع علي دور الأم.
ذكرت امينة رزق في حديث لها مع الاعلامي مفيد فوزي سر عدم قبولها للزواج وكان الحديث كالآتي.
- حضرتك كـ أنثى قلبك مادقش ابدا ؟
- مش اوي لاني كنت اهرب
- إزاي؟
اقولك ليه انا لما دخلت الفن كنت غشيمة جدا و مكنش عندي أي خبرة في الحياة فا فوجئت بالفواجع بتاعة المسرحيات كلها سببها الرجل الانتحار الموت الطلاق العياط المآسي كلها سببها الرجل في المسرحيات.
- يعني حضرتك اتعقدتي ؟!
جدا صديقاتي و زميلاتي في الفن بردو شفت منهم مآسي في حياتهم الشخصية و في علاقاتهم مع ازواجهم و كل شوية الاقيهم جايين يعيطوا.
ويشكوا لي و حسيت ان فيه اذلال لشخصيتهم انا طول عمري معرفش ده عيب و لا ايه بس حاسة بكرامتي اوي.
محبش اتذل ابدا فحسيت ان انا اذا ساقتني مشاعري ناحية راجل كأنها ساقتني ناحية الذل فا بصراحة أتعقدت.
وبعدت كل البعد عن حاجة اسمها حب كنت لما ابص الاقي نفسي هضعف اجري بالمشوار ارمح و ادشدش المشاعر دي.
وكنت دايما اسلط عقلي على قلبي عشان منذلش و افضل بكرامتي لان حصل فعلا عندي عقدة نفسية من المسرحيات و الافلام.
- افهم من كدا انك اعتمدتي طول حياتك على نفسك كــ أمراة ؟
انا الراجل انا المرأة انا البنت انا الست انا كل حاجة و ماشية بدماغي.
