كتب: نادية حسن
تخرجت من كلية التجارة ويتخطى عدد متابعيها 100 ألف متابع على مواقع التواصل الأجتماعى.
قامت بعمل أستور خاص بها للملابس” ياسمين علي ” من ألطف الفاشون بلوجر على موقع أنستجرام تبلغ من العمر 24 عاما.
بدأت ازاى كافاشون بلوجر؟
الحقيقه اني مكنتش مخططه لكل ده انا من صغري بعشق التصوير واي حد عارفني عارف انا بحب التصوير ازاي فكنت بتصور كتير جدا.
وانا ف سن ٢٠ سنه بدات اتجه للبس المججبات وكان وقتها مكانش موضوع البلوجر منتشر اوي زي حالي.
ارتديت اكثر من فستان اتصورت بيهم وعملت انستجرام عادي جدا مكنتش فاهمه فيه كمان.
بدات الصور تجيب لايكات وبيدجات الحجاب تاخدها تنزلها ومن هنا بدات الناس تتابعني واتذكر وقتها الاكونت جاب 10الاف متابع ف اسبوع.
ومن هنا كانت بداياتي بدات بعدها اتجه لتنفيذ الديزاين اللي بلبسها واعمل استور اون لاين انفذ فيه تصميماتي وكمان اي تصميم يتبعتلي بعمله.
ولسه ف طريقي بحاول اكبر وبحاول اوصل لاكتر من كدا.
نفسك توصلى لايه؟
نفسي جدا الاستور بتاعي يكون ليه لوكيشن علي ارض الواقع واكون فاشون ديزاينر معروفه.
اى اكتر سؤال المتابعين بيسألو ليكى؟
اكتر سؤال بيجيلي ازاي يبقوا بلوجر بس الحقيقه ان الموضوع بقي اسهل، مما يمكن واي حد يقدر يدخل المجال هو الموضوع بيكون متوقف علي قبول الناس ليكي، مش اكتر احنا بنكبر بالناس دي حقيقي وارائهم فينا دايما بتهمنا.
عشان كدا بقول ان الموضوع سهل، اي حد يدخله بمجرد اي بنت تظبط اوت فيت بالوان مبهجه وتتصور ف باك جراوند كويسه بموبايل كويس.
بحيث الكوالتي تكون حلوه والاضاءه مع وقفه حلوه للتصوير وتعمل الاكونت بابليك كدا خلاص
هي تقدر تدخل عالم البلوجر بقي سهل ومنتشر جدا بس اللي تعرف تتميز فيه تبقي شاطره جدا.
اى الالوان الشتوى التريند بالنسبالك؟
الالوان الشتا السنه دي الزيتي بدرجاته تريندي مع الاخضر كمان هيكون تريند اوي الشتا ده.
وانا بحب الجراي والبيج والجملي والمسطرده بدرجاتها
هتكون تريندي جدا والمينت جرين والبنفسجي والسماوي مبقاش في قاعده للالوان.
احنا كل يوم بنلبس لون جديد الفكره ف اننا ننسقه حلو.
وجهى رسالة لمتابعينك عن طريق موقع أرض العرب
رسالتي هتكون لكل بنت انها تكون عندها هدف ف حياتها وتشتغل علي حلمها وتكبره ومتستسلمش لحد وتقدر تحققه ومتختارش حد يحبطها ويلغيلها طموحها.
بعد مًتكون وصلت لحاجه كبيره فيه لان انا واحده من الناس في وقت استسلمت ووقفت كل حاجه ف شغلي بعد ما وصلت لحاجات كتير فيه وده وقعني شويه.
لكن الحمد لله رجعت اقوي وبشتغل علي نفسي لحد ما اوصل للي انا عايزاه وايضا نصيحه.
بلاش تستهلكي وقتك ومشاعرك مع ناس غلط الحاجه اللي مش مديالك قيمتك سيبيها وامشي واوعي تتنازلي عن حقك عشان هتفضلي طول عمرك بتتنازلي لو اتنازلتي مره.
