حوار _أمينة حسن
مصممه الفرو الشهيرة “نسمة الحلوانى” تبدع فى استخدام الفرو،تخرجت من كلية زراعة جامعة الاسكندرية، يتخطى عدد متابعيها على مواقع التواصل الأجتماعى 30 ألف متابع.
_ الفترة الاخيرة كومفى دخلت الفرو فى أكتر من تراك ولاقى اقبال وأعجاب كل المتابعين إحكيلنا على أحدث تصميماتك؟
الفرو خامة ريتشى جدا صحيح يصعب تشكيلها لكن نحاول قدر المستطاع وبننجح فى دة لان الفرو بيدخل على أى حاجة بيديها غنى ورقي جدااا فحبيت ادخلة فى حاجات كتير الفترة الاخيرة بعد الكولكشن الشتوي دخلتة فى ادوات السبوع وأبهر كل اللى شافوة وعطى ريتش وبهجة فى تزيين الادوات
كمان زيننا بية ال Wishes book للمولود
وابتكرنا الموديل اللى عمل ضجة كبيرة مؤخرا وهو سجادة الصلاة اللى نال إعجاب شديد من رواد السوشيال من بلوجرز ومتابعين ،،،وانتجنا الكراسى الباتشى وكنا احنا اول براند ينفذ كراسى باتشى فى مصر واعتقد ف المحيط العربى ،،وكمان وفرنا الفورير بتصميمات فريدة وأجود انواع الفرو المستورد واللى نال اعجاب مشاهير السوشيال واقتناة الكثير من عرايسنا على فستان فرحهم
فالحمد لله كل تصميماتنا الاخيرة نالت أعجاب الناس جدا لكن دول اهمهم
_ كومفى قدمت اية للعرايس حديثا؟
عملنا للعرايس أكتر من باكيدج من المفارش والسجاد والكوشنز من التصميمات المميزة لدينا بخصومات تصل ل 40% عشان يقدروا يضيفوا لمسة مميزة لديكور بيتهم بأسعار ممتازة.
_كلمينا عن ترتيبات الاستور الخاص بيكى ولية إتأخر الافتتاح ؟
افتتاح ستور امر سهل جدااا وزي ما انتى عارفة بداية 2020 كنت بحضر لية لكن تداعيات الكورونا فجئتنا وفى تراخيص وقفت وحاليا السوق مش محتاج مغامرة ، الاقتصاد لسة قدامة وقت طويل للتعافى وانا براقب من بعيد الفترة دية، ودايما بفكر خارج الصندوق،،فكرة الاستور فكرة تقليدية وريسك كبير فى بداية اي بزنس بالاخص فى وقت عدم استقرار السوق ؛ العالم دلوقتى بيتجة للتجارة بدون تكاليف بناء شركات او ستورز ،، اعظم البراندات فى العالم مبيعاتها الالكترونية اكبر بكتير من مبيعاتها فى المحلات، العميل دلوقتى لظروف وقائية ولانشغالنا مع ولادنا وحاجات كتير بيفضل التسوق اون لاين وأنا حققت دة وكمان الفترة الجاية هيكون فى انتشار بطرق اخري هتعرفوها فى 2021، الذكاء مش فى انى احط اسمى على ستور وملوش زبون؛كل الذكاء فى إنى أبنى قاعدة كبيرة جدا من محبين البراند يثقوا فية ويسندوة لو أسس لكيان أكبر حتى لو كانت هناك تداعيات وقائية عالمية توجب بانهيار اي نشاط محبينة يسعوا هما لنجاحة دون مجهود زائد منك، و أنا صبورة لابعد حد ومش هغامر الفترة دية نهائى وانتوا هتكونوا اول المدعويين وقتها.
_ما الجديد عند كومفى؟
بحضر لنيوكولكشن فكرتة مختلفة تماما عن كل اللى فات وبحضر لمفاجئتين لمتابعينى واحدة منهم هتكون قبل الاعلان عن الكولكشن والتانية هتكون بعد الاعلان عن الكولكشن فتابعونا.
_ميعاد نزول الكولكشن الجديد وهتقدمى فية اية ؟
مش هيكون قريب لان فية مغامرة ولازم اخد وقتى واحسبلة كويس جدااا انا مبحبش الاستعجال وهقدم فية مفاجأة.
_لكن متابعينك مستعجلين ومتشوقين يعرفوا ويشوفوا عظمة على حد تعليقاتهم ليكى؟
هما دايما مستعجلين لانى عليت سقف الطموح عندهم وانهم مستنين يشوفوا كل مرة حاجة مش عادية وانا قاصدة جدا دة لكن عشان اقدم عظمة لازم صبر واتقان والاتنين دول محتاجين وقت.
_ماهو سبب إختيار اسم كومفى للبراند؟
البنات لما بتنزل تشتري مفروشات فى جهازها دايما بتسأل عالمنتجات التركي وللاسف حتى لو المنتج المصري قدامها جودتة عالية مش بتقتنع بية لموروثات عندها ان الانتاج المصري جودتة لا تضاهى التركي والمستورد ؛ فحبيت أأسس لبراند مصري باستخدام خامة جديدة علينا مشهور بيها التراكوة وقدمت جودة واتقان وفن أعلى من المنتج التركي حبيت أثبت اننا قادرين عالمنافسة وكمان أرسخ لستايل مصري فى جودة وابداع يستاهل يتحب فى كل دول العالم عشان كدة سميت البراند Comfyegyptianstyle ستايل مصري مريح متقن هتحبة وتثق فية كل بنت حابة تضيف لمسة راقية لذوق بيتها بمنتاجاتنا وتكون فخورة بمنتج مصري الاتقان والفن فية تعدي المنتج التركي اللى هو كان سقف طموحها والحمد لله البراند نال شهرة كبيرة بين رواد السوشيال ميديا فى وقت قصير جدا وفى طلبات جاتلنا من أكتر من دولة أوروبية وبقى لينا متابعين أجانب بفضل الله حبوا الفن اللى بنقدمة لاننا عزمنا على التمييز.
